តើវិស័យទេសចរណ៏នៅប្រទេសកម្ពុជា ចែកចេញជាប៉ន្មានផ្នែក? ចូរបកស្រាយ។

វិស័យទេសចរនៅប្រទេសកម្ពុជា ចែកចេញជា៥ផ្នែកគឺ៖

• ទេសចរណ៏វប្បធម៌ ជាដំណើរកម្សាន្ត តាមតំបន់ដែលមានប្រាង្គប្រាសាទបុរាណ វត្តអារាម ទីកន្លែងសក្ដារបូជា ប្រពៃណីទំនៀមទំលាប់ ល្បែងប្រជាប្រិយ សម្លៀកបំពាក់ប្រពៃណី ជាដើម
• ទេសចរណ៏ធម្មជាតិ ជាដំណើរកម្សាន្ត តាមតំបន់ដែលមានសម្រស់ធម្មជាតិ តំបន់ការពារសត្វព្រៃ មច្ឆជាតិ និង របៀបគ្រប់គ្រងការរស់នៅ ជំនឿ សាសនា របស់ជនជាតិភាគតិច
• ទេសចរណ៏អរូបី ជាដំណើរកម្សាន្ត តាមតំបន់ដែលមានជំនឿលើអារក្ស អ្នកតា ជាដើម
• ទេសចរណ៍កែច្នៃ ជាដំណើរកម្សាន្ត តាមតំបន់ដែលបានក្លាយទៅជារមណីយដ្ឋាន កីឡា មជ្ឈមណ្ឌលកម្សាន្ត ក្លឹប រង្គសាល និង កន្លែងមានពន្លឺព្រះអាទិត្យគ្រប់គ្រាន់ រួមមាន ឆ្នេរសមុទ្រ កោះ ជាដើម
• ទេសចរណ៍ជំនួញ ជាដំណើរកម្សាន្តលំហែកាយរបស់អ្នកបណ្ដាក់ទុន ដើម្បីស្វែងរកទីតាំងសម្រាប់វិនិយោគ បញ្ហានេះទាក់ទងនឹងឧស្សាហកម្មទេសចរណ៍៕