តើព្រះវិស្ណុមានមុខងារ និងលក្ខណៈសម្គាល់អ្វីខ្លះ?

ព្រះវិស្ណុជាអទិទេពគ្រប់គ្រងលោក និងថែរក្សាលោកឲ្យបានសុខសាន្ដ និងមានរបៀបរៀបរយ  គឺជាតំណាងសភាវៈល្អ។ នៅជាមួយមនុស្ស ព្រះវិស្ណុស្ថិតនៅក្នុងចិត្តដើម្បីគ្រប់គ្រងណែនាំចិត្ត      មនុស្ស។ ព្រះវិស្ណុ អាចកើតជា អវតាជួយថែរក្សាការពារមនុស្សពេលភ្លើងឆេះកាល សភាវលោកត្រូវព្រះវិស្ណុថែរក្សាទុកឲ្យចាប់កំណើតឡើងវិញពេលពិភពលោកថ្មីកើតឡើងវិញ។ ដូច្នេះ គេអាចចាត់ទុកព្រះវិស្ណុថាជាអ្នកបង្កើតលោកក៏បាន។

• ឈ្មោះ ៖ ព្រះនរាយណ៍ ហរិ ភគវ័ន្ដ អនន្ដ។
• មហេសី ៖ មានមហេសី២អង្គគឺ ស្រី (តំណាងសោភ័ណ្ឌភាព) និង លក្ស្មី(តំណាងទ្រព្យសម្បត្តិ)។
• បុត្រ ៖ មានបុត្រាមួយឈ្មោះ កាម (អាទិទេពតំណាងសេចក្ដីស្នេហា)។
• រូបកាយ ៖ មនុស្សមានក្បាល១ មុខ១ជួនមានដៃ២ ៤ ៦ ៨ ១០។
• សម្លៀកបំពាក់ ៖ ពណ៌លឿង។
• កេតនភ័ណ្ឌ ៖ កងចក្រ ខ្យងស័ង្ខ ដំបង ភូមិ (ដីដុំមូល) ធ្នូ ព្រួញ ដាវ ត្រីសូល៍...។
• យានជំនិះ ៖ ជិះសត្វគ្រុឌ និង នាគអនន្ដ។
• វិមាន ៖ ឋានវៃកុណ្ឌៈ។
• បានបែងជាអវតាចំនួន១០គឺ៖

1. មត្ស្យ ៖ ជាត្រីដំរីបានជួយមនុស្សលោកឲ្យរួចផុតទឹកជំនន់ដែលបង្កឡើងដោយយក្សហយគ្រីវៈ។
2. កុម៌ ៖ ជាអណ្ដើតបានជួយធ្វើកំណល់ភ្នំមន្ទរក្នុងពេលទេវ និងអសុរៈ កូរសមុទ្រទឹកដោះយកទឹកអម្រឹត និងវត្ថុស័ក្ដិសិទ្ធិផ្សេងៗ។
3. វរាហ ៖ ជាជ្រូកព្រៃជួយមនុស្សឲ្យរួចផុតពីការបៀតបៀននៃយក្ស ហរិណយក្សដែលប្រាថ្នារំលាយលោកឲ្យទៅជាទឹកសមុទ្រ។
4. នរសិង្ហ ៖ ជាមនុស្សមានក្បាលជាសត្វសិង្ហបានសម្លាប់យក្សដែលជាប្អូនហិរណយក្សព្រោះយក្សននេះបានដើររាតត្បាតទេវៈ និងមនុស្សតាមអំពើចិត្ត។
5. វាមនៈ ៖ ជាមនុស្សតឿបានបោកបញ្ឆោតយក្សពលី យកបានផែនដីមកវិញដោយឈានតែ៣ជំហានឲ្យផុតពីផែនដី។
6. បរសុរាមៈ ៖ ជាមនុស្សកាន់ពូថៅដែលជាអំណាចព្រះសិវៈបានជួយស្រោចស្រង់មនុស្សឲ្យរួចផុតពីស្ដេចកំណាចឈ្មោះកាតិវិរ្យដែលបានសង្កត់សង្កិនមនុស្ស។
7. រាម ៖ ជាមនុស្សទេវ...ក្នុងរឿងរាមាយណៈដែលមានមុខងារសម្លាប់ក្រុងរាពណ៍ និងពួកយក្សដែលបៀតបៀនទេវៈ និងពួកអ្នកកាន់សាសនាព្រាហ្មណ៍។
8. ក្រឹស្ណៈ ៖ជាមនុស្សខ្មៅបានជួយអ្នកគង្វាលគោឲ្យរួចផុតពីគ្រោះថ្នាក់ដោយរន្ទះព្រះឥន្រ្ដោយយកភ្នំគោវ៌ធនមកបាំងកាំរន្ទះរបស់ព្រះឥន្រ្ទ។
9. កល្កិន ៖ ជាមនុស្សមានក្បាលសេះជាអវតាទៅអនាគតនឹងចុះមកជួយមនុស្សដោយកាត់សេចក្ដីល្អអាក្រក់ និងឲ្យរង្វាន់មនុស្សល្អ...និងរៀបចំយុគ្គថ្មីឲ្យបានរុងរឿង។
10. ព្រះពុទ្ធ ៖ ជាព្រះពុទ្ធ (មិនមែនទេនេះដោយសារតែឃើញភាពអស្ចារ្យរបស់ព្រះពុទ្ធទើបព្រាហ្មណ៍បានបញ្ចូលព្រះទៅក្នុងអវតាទី១០របស់ព្រះវិស្ណុ)។