ប្រទេសអាស៊ានណាខ្លះដែលធ្លាប់ស្ថិតនៅក្រោមអាណានិគមបរទេសមាន៖ <ul><li>ប្រទេសកម្ពុជា ក្រោមអាណានិគមបារាំង</li> <li>ប្រទេសវៀតណាម ក្រោមអាណានិគមបារាំង</li> <li>ប្រទេសឡាវ ក្រោមអាណានិគមបារាំង</li> <li>ប្រទេសឥណ្ឌូនេស៊ី ក្រោមអាណានិគមហូឡង់</li> <li>ប្រទេសម៉ាឡេស៊ី ក្រោមអាណានិគមអង់គ្លេស</li> <li>ប្រទេសសិង្ហបុរី ក្រោមអាណានិគមអង់គ្លេស និង ក្រោយមកជារដ្ឋមួយនៃសហព័ន្ធ ម៉ាឡេស៊ី</li> <li>ប្រទេសហ្វីលីពីន ក្រោមអាណានិគមអេស្បាញ និង សហរដ្ឋអាមេរិច</li> <li>ប្រទេសប៊្រុយណេ ក្រោមអាណានិគមអង់គ្លេស</li> <li>ប្រទេសភូមា ក្រោមអាណានិគមអង់គ្លេស៕</li> </ul>

តើប្រទេសអាស៊ានណាខ្លះដែលធ្លាប់ស្ថិតនៅក្រោមអាណានិគមបរទេស? ហើយប្រទេសនោះស្ថិតនៅក្រោមអាណានិគមប្រទេសណាខ្លះ?

អង្គការសមាគមអាស៊ានមានគោលការណ៍ដូចខាងក្រោម ៖ គោរពឯករាជ្យភាព អធិបតេយ្យភាព សមភាព បូរណភាពទឹកដី និងសញ្ញាណជាតិនៃរដ្ឋសមាជិកអាស៊ានទាំងអស់ ។ ចូលរួមការប្តេជ្ញាចិត្ត និងការទទួលខុសត្រូវរួមគ្នា ក្នុងករណីលើកកម្ពស់សន្តិភាពសន្តិសុខនិង វិបុលភាពក្នុងតំបន់ ។ បដិសេធនូវអំពើឈ្លានពាន និងការគំរាមគំហែង ឬសកម្មភាពទាំងឡាយណាក្នុងលក្ខណៈដែលមិនសមស្របតាមច្បាប់អន្តរជាតិ ។ ប្រកាន់យកដំណោះស្រាយជម្លោះដោយសន្តិវិធី ។ មិនជ្រាតជ្រែតកិច្ចការផ្ទៃក្នុងនៃរដ្ឋសមាជិកអាស៊ាន ។ គោរពសិទ្ធរបស់រដ្ឋសមាជិកនីមួយៗ ក្នុងដឹកនាំអត្ថិភាពជាតិរបស់ខ្លួនដោយពុំមានការជ្រៀតពីខាងក្រៅ ការធ្វើវិទ្ធង្សនា និងការបង្ខិតបង្ខំ ។ លើកកម្ពស់ការពិគ្រោះយោបល់លើបញ្ហាធ្ងន់ធ្ងរទាំងឡាយ ដែលមានឥទ្ធិពលប៉ះពាល់ដល់ផលប្រយោជន៍អាស៊ាន ។ ប្រកាន់នូវនីតិរដ្ឋ អភិបាលកិច្ចល្អ គោលការណ៍ប្រជាធិបតេយ្យ និងរដ្ឋាភិបាលអាស្រ័យដោយរដ្ឋធម្មនុញ្ញ ។ គោរពសេរីភាពជាមូលដ្ឋាន លើកស្ទួយនិងការពារសិទ្ធិមនុស្ស និងលើកកម្ពស់យុត្តិធម៌សង្គម ។ លើកកម្ពស់ធម្មនុញ្ញអង្គការសហប្រជាជាតិ និងច្បាប់អន្តរជាតិ រួមទាំងច្បាប់មនុស្សធម៌អន្តរជាតិនានា ដែលរដ្ឋសមាជិកអាស៊ានទាំងអស់យល់ព្រម ។ មិនចូលរួមក្នុងគោលនយោបាយ ឬសកម្មភាពណាមួយ ដែលរួមមានការដាក់ឲ្យប្រើប្រាស់នូវទឹកដីរបស់ខ្លួនឲ្យរដ្ឋសមាជិកអាស៊ាន ឬរដ្ឋមិនមែនជាអាស៊ាន ឬឲ្យតួអង្គដទៃទៀតដែលពុំមែនជារដ្ឋគំរាមគំហែងដល់អធិបតេយ្យភាព បូរណភាពទឹកដី ឬស្ថិរភាពសេដ្ឋកិច្ច និងនយោបាយរបស់រដ្ឋសមាជិកអាស៊ាន ។ គោរពវប្បធម៌ផ្សេងៗគ្នា ភាសា និងសាសនារបស់ប្រជាជនអាស៊ាន ដោយសង្កត់ធ្ងន់ទៅលើតម្លៃរួមក្នុងស្មារតីភាពឯកភាពក្នុងពហុភាព ។ ភាពជាស្នូលរបស់អាស៊ានក្នុងទំនាក់ទំនងនយោបាយ សេដ្ឋកិច្ច សង្គម និងវប្បធម៌ក្រៅតំបន់ដោយរក្សាការចូលរួមដ៏សកម្ម កាសម្លឹងមើលឆ្ពោះទៅខាងក្រៅ ភាពរួមបញ្ចូលគ្នា និងភាពមិនរើសអើង ប្រកាន់ខ្ជាប់នូវវិធានពាណិជ្ជកម្មពហុភាគី និងរបបផ្អែកលើមូលដ្ឋានច្បាប់របស់អាស៊ាន ដើម្បីអនុវត្តប្រកបដោយប្រសិទ្ធភាពនូវកិច្ចខិតខំប្រឹងប្រែងផ្នែកសេដ្ឋកិច្ច និងកាត់បន្ថយជាវិជ្ជមានឆ្ពោះទៅលុបបំបាត់របាំងទាំងស្រុងសម្រាប់សមារណកម្មសេដ្ឋកិច្ចតំបន់និងសេដ្ឋកិច្ចទីផ្សារ ។

តើអង្គការសមាគមអាស៊ានមានគោលការណ៍ដូចម្តេចខ្លះ?

ឈ្មោះទីក្រុងទាំង១០ របស់សមាជិកអាស៊ានគឺ៖ <ul><li>កម្ពុជា(ភ្នំពេញ)</li> <li>ថៃ(បាងកក)</li> <li>វៀតណាម(ហានណូយ)</li> <li>ឡាវ(វៀងច័ន្ទ)</li> <li>ម៉ាឡេស៊ី(កូឡាឡាំពួ)</li> <li>ព្រុយណេ(បង់ដាសេរីបេកាវាន់)</li> <li>ឥណ្ឌូនេស៊ី(ហ្សាកាតា)</li> <li>មីយ៉ាន់ម៉ា(រង់ហ្គូន)</li> <li>សិង្ហបុរី(សាំងកាពួ)</li> <li>ហ្វីលីពីន(ម៉ានីល)។</li> </ul>

ចូររៀបរាប់ឈ្មោះទីក្រុងទាំង១០ របស់សមាជិកអាស៊ាន?

អាស៊ានបង្កើតឡើងក្នុងគោលបំណង៖ <ul><li>ថែរក្សា និង លើកកម្ពស់សុខសន្តិភាពក្នុងតំបន់</li> <li>ជម្រុញកិច្ចសហប្រតិបត្តិការណ៍នយោបាយសេដ្ឋកិច្ច សង្គមវប្បធម៌</li> <li>រក្សាតំបន់គ្មាននុយក្លេអ៊ែ</li> <li>ធានាថាប្រជាជាតិនិងរដ្ឋជាសមាជិករស់ដោយសុខដុមរមនា</li> <li>បង្កើតទីផ្សាររួមផលិតផលរួមសម្របសម្រួលដល់អ្នកវិនិិយោគ</li> <li>កាត់បន្ថយភាពក្រីក្រក្នុងសង្គម</li> <li>អភិវឌ្ឍន៍ធនធានមនុស្ស</li> <li>ពង្រឹងលទ្ធិប្រជាធិបតេយ្យ</li> <li>ជម្រុញអត្តសញ្ញាណអាស៊ានតាមរយៈការយល់ដឹងពីវប្បធម៌មរតកចម្រុះក្នុងតំបន់។</li> </ul>

តើអាស៊ានបង្កើតឡើងក្នុងគោលបំណងអ្វី?

<ul><li>បូក១ៈ ប្រទេសសមាជិកបូក ឥណ្ឌា</li> <li>បូក២ៈ ប្រទេសសមាជិកបូក អូស្ត្រាលី និង ញូហ្សេឡិន</li> <li>បូក៣ៈ ប្រទេសសមាជិកបូក ចិន ជប៉ុន កូរ៉េខាងត្បូង</li> <li>បូក១០ៈ ប្រទេសសមាជិកបូក ចិន ជប៉ុន កូរ៉េខាងត្បូង អូស្ត្រាលី ញូហ្សេឡិន ឥណ្ឌា កាណាដា រុស្ស៊ី USA និង សហភាពអឺរ៉ុប។</li> <li>ដក៥ៈ សំដៅលើសមាជិកចាស់ទាំង៥</li> <li>ដក៦ៈ សំដៅលើសមាជិកថ្មីទី៦(ព្រុយណេ)</li> <li>ដក៧ៈ សំដៅលើសមាជិកថ្មីទី៧(វៀតណាម)</li> <li>ដក៩ៈ សំដៅលើសមាជិកថ្មីទី៨-៩(ឡាវ និង ភូមា)</li> <li>ដក១០ៈ សំដៅលើសមាជិកថ្មីទី១០(កម្ពុជា)</li> </ul>

ចូរនិយាយអំពីអាស៊ានបូក និង អាស៊ានដក?

រដ្ឋធម្មនុញអាស៊ានមាន ១៣ ជំពូក ៥៥ មាត្រា ហើយគោលការណ៍របស់អាស៊ានដែលមានចែងក្នុងធម្មនុញ្ញអាស៊ាននិយាយថា៖ រាល់សេចក្តីសម្រេចត្រូវធ្វើឡើងដោយកុងស៊ីស, ការមិនជ្រៀតជ្រែកកិច្ចការផ្ទៃក្នុងគ្នា មិនប្រើប្រាស់កម្លាំងយោធា។

តើរដ្ឋធម្មនុញ្ញអាស៊ានមានប៉ុន្មានជំពូក និង ប៉ុន្មានមាត្រា?

ប្រទេសដែលជាសមាជិកអាស៊ានមានដូចជា៖ <ol><li>ថៃ ចូលជាសមាជិកអាស៊ាន ថ្ងៃទី០៨ ខែសីហា ឆ្នាំ១៩៦៧</li> <li>ម៉ាឡេស៊ី ចូលជាសមាជិកអាស៊ាន ថ្ងៃទី០៨ ខែសីហា ឆ្នាំ១៩៦៧</li> <li>សិង្ហបុរី ចូលជាសមាជិកអាស៊ាន ថ្ងៃទី០៨ ខែសីហា ឆ្នាំ១៩៦៧</li> <li>ហ្វីលីពីន ចូលជាសមាជិកអាស៊ាន ថ្ងៃទី០៨ ខែសីហា ឆ្នាំ១៩៦៧</li> <li>ឥណ្ឌូនេស៊ី ចូលជាសមាជិកអាស៊ាន ថ្ងៃទី០៨ ខែសីហា ឆ្នាំ១៩៦៧</li> <li>ព្រុយណេ ដារូសាលឹម ចូលជាសមាជិកអាស៊ាន ថ្ងៃទី០៧ ខែមករា ឆ្នាំ១៩៨៤</li> <li>វៀតណាម ចូលជាសមាជិកអាស៊ាន ថ្ងៃទី២៨ ខែកក្កដា ឆ្នាំ១៩៩៥</li> <li>មីយ៉ាន់ម៉ា ចូលជាសមាជិកអាស៊ាន ថ្ងៃទី២៣ ខែកក្កដា ឆ្នាំ១៩៩៧</li> <li>ឡាវ ចូលជាសមាជិកអាស៊ាន ថ្ងៃទី២៣ ខែកក្កដា ឆ្នាំ១៩៩៧</li> <li>កម្ពុជា ចូលជាសមាជិកអាស៊ាន ថ្ងៃទី៣០ ខែមេសា ឆ្នាំ១៩៩៩៕ </li> </ol>

តើប្រទេសណាខ្លះដែលជាសមាជិកអាស៊ាន? ហើយក្លាយជាសមាជិកអាស៊ានពេញសិទ្ធិថ្ងៃណាខ្លះ?

គុណវិបត្តិរបស់អាណានិគមនិយមបារាំងចំពោះប្រជាជនខ្មែរ និង ប្រទេសខ្មែរមានដូចជា៖ <ul><li>បង្ខំប្រជាជនខ្មែរបងពន្ធដារយ៉ាងធ្ងន់ធ្ងរ ដោយមិនលើកលែងដូចជាពន្ធស្រូវ ពន្ធមនុស្ស ពន្ធដីធ្លី ពន្ធសត្វ ពាហនៈពន្ធលើយាន្តយន្ត។ ល៕</li> <li>កេណ្ឌប្រជាជនខ្មែរអោយចូរបំរើកងទ័ពបារាំងក្នុងសង្គ្រាមលោកលើកទី១ និង លើកទី២ ដែលបានបណ្តាលអោយប្រជាជនមួយចំនួនបានស្លាប់និងរបួសក្នុងសមរភូមិ។</li> <li>កាត់ទឹកដីខ្មែរកម្ពុជាក្រោម និង តំបន់ដាឡាត់ទៅ ស្តេចយួន (បាវ ដាយ) គ្រប់គ្រង។</li> <li>កាត់ខេត្ត ត្រាច របស់ខ្មែរទៅអោយសៀមកាន់កាប់វិញ។</li> <li>ប្រមូលយកវត្ថុកេតនភ័ណ្ឌរបស់ខ្មែរទៅកាន់ប្រទេសបារាំង។</li> </ul>

តើគុណវិបត្តិរបស់អាណានិគមនិយមបារាំងចំពោះប្រជាជនខ្មែរ និង ប្រទេសខ្មែរមានអ្វីខ្លះ?

បារាំងបានធ្វើកំណែទម្រង់សង្គមលើផ្នែកមួយចំនួនដូចជា៖ <ul><li>ប្រព័ន្ធការងារ</li> <li>រដ្ឋបាល</li> <li>ការបង្កើតប្រព័ន្ធច្បាប់ថ្មី</li> <li>ការលុបបំបាត់របបទាសភាព</li> <li>បង្កើតអោយមានការចុះបញ្ជីដីធ្លី</li> <li>ផ្លាស់ប្តូរទំនៀមទម្លាប់ប្រពៃណីបុរាណ៕</li> </ul>

តើបារាំងបានធ្វើកំណែទម្រង់សង្គមលើផ្នែកអ្វើខ្លះ?

កត្តាដែលធ្វើអោយបារាំងដាក់អាណានិគមមកលើខ្មែរគឺ៖ <ul><li>ដោយសារបារាំងបានចាប់ចិត្តនឹងទេសភាពដ៏ស្រស់ត្រកាលនៅអមច្រាំងទន្លេទាំងសងខាងដែលមានដំណាំរដូវដ៏ខៀវស្រងាត់ដូចជា សណ្តែក ល្ង ពោត និង បន្លែលាយឡំដើមឈើហូបផ្លែច្រើនប្រភេទ។</li> <li>បារាំងបានយល់ថាប្រទេសកម្ពុជា គឺជាប្រទេសសម្បូរទន្លេដែលជាគមនាគមន៍ដ៏សំខាន់ជំនួសផ្លូវគោកសម្រាប់ដឹកជញ្ជូនផលិតផលកសិកម្មច្រើន ហើយមានប្រជាជនតិច ដែលអាចអោយពួកបារាំងបង្កើតដំណាំកសិកម្មបានផលច្រើន។</li> <li>កម្ពុជាជាប្រទេសដែលសម្បូរទៅដោយព្រៃ និង ភ្នំប្រកបដោយឈើមានគុណភាពខ្ពស់។</li> <li>នៅក្រោមដីសម្បូរទៅដោយរ៉ែជាច្រើនប្រភេទ។</li> </ul>

តើមានកត្តាអ្វីខ្លះដែលធ្វើអោយបារាំងដាក់អាណានិគមមកលើខ្មែរ?

បារាំងបានដាក់អាណានិគមលើខ្មែរជាផ្លូវការនៅថ្ងៃទី ១១ ខែ សីហា ឆ្នាំ ១៨៦៣ ក្នុងរាជ្យព្រះបាទអង្គវតី ឬ នរោត្តម៕

តើប្រទេសអាស៊ានណាខ្លះដែលធ្លាប់ស្ថិតនៅក្រោមអាណានិគមបរទេស? ហើយប្រទេសនោះស្ថិតនៅក្រោមអាណានិគមប្រទេសណាខ្លះ?

០ មតិយោបល់

Sponsored Content

សំណួរដែលទាក់ទង